24 январьыште Национальный президент интернат-школын вуйлатышыже, Марий Эл образованийын сулло пашаеҥже В.Хайбуллинлан 50 ий темын.

Туныктымо пашаште тудо 28 ий тырша, тышеч вуйлатышылан — 18 ий. Шочмо кече вашеш интернат-школын актовый залыштыже вашлиймаш лийын. Чапле лӱмгече дене тудым ты кечын Марий Эл образований да наука министр Г.Швецова, тудын алмаштышыже Н.Ефремова да молат саламленыт. Саламлымашке интернат-школын уло коллективше ушнен, оҥай сценарийым ончыктен.

Палемдыман, тений кеҥежым тиде тунемме вер у верыш, Изи Какшан серын мотор полатышкыже, кусна.

М.Скобелев.