Параньга район, Матародо кыдалаш школышто таза илыш-йӱлалан, физический культура ден спортлан кугу тӱткыш ойыралтеш. Уста туныктышо ден тренер-влакын тыршымышт арам огыл. Тыште талантан ятыр спортсменым ончен куштеныт. Кызытсе воспитанникышт кокла гыч Сергей Трофимов ден Ярослав Семеновым палемдыде огеш лий. Сергей ече дене талын куржталеш гын, Ярослав футбол дене ынде ятыр ий кылым куча. Коктынат луымшо классыште тунемыт: изи огыл сеҥымашке шуыныт.

Рвезе-влак ончыкыжым илышыштым спорт дене кылдаш, школ деч вара Марий кугыжаныш университетын спорт факультетыштыже шинчымашыштым пойдараш да спортышто эшеат кугурак сеҥымашке шуаш шонат. Нуно икымше класс гычак спорт дене таҥлалтыныт. Ече спортлан кумылан рвезым ачаже, районысо СДЮШ-н тренерже А.Н.Трофимов, тренироватла. Кокымшо ий тудо республикысе пӧръеҥ-влак командын сборныйыштыжо, Марий радиомеханический  техникумын чапшым арала. 14-28 ноябрьыште Сергей Сыктывкар олаште эртыште сборышто лийын, мастарлыкшым шуарен. Шукерте огыл республикыште эртыше эстафетыштыже кумшо верым сеҥен налын.  Умбакыжат  спорт дене кылым пеҥгыдемдаш да ончыкыжым Российын сборный командышкыже логалаш шона. Сергей «талантан да уста  самырык еҥ-влаклан кугыжаныш могырым полыш» номинацийыште район администрацийым вуйлатышын грантшым сеҥен налын. Икманаш, шонымашке шуаш манын, эреак мастарлыкшым шуарен толеш.

Редакций деч: материалым мучаш марте луднеда гын, 2011 ий 11 январьысе "Марий Эл" газет номерым але газетын PDF электронный версийыжым лудса.

Электронный подписке нерген ешартыш информацийым http://www.mariel.org.ru/podpiska/4145-jelektronnyjj-podpiska.html интернет лаштыкыште муаш лиеш.

Е.Садовин.

Снимкыште: Я.Семёнов ден С.Трофимов.

А.Эманован фотожо.