Пытартыш жапыште ме чӱчкыдынак здравоохраненийым уэмдымаш  нерген колына. Такшым тудын нерген эше  икмыняр ий ончычак  ойленыт ыле, но ӱмаште веле тудо илышыш шыҥдаралташ тӱҥалын.  Вара тиде мо тыгай?

Ончыкыжым мемнам могай вашталтыш вуча? Тидын нерген Марий Эл правительство председательын алмаштышыже, тазалыкым аралыме министр В.Шишкин каласкала.

-Здравоохранений сферыште мый кумло ий наре пашам ыштем.  Ты жапыште шагал огыл реформа-влак лийыныт. Тиде – у озанлык механизмыш куснымаш,    тӱшка диспансеризаций, национальный проект-влак… Но здравоохраненийым уэмдыме программа гайым але марте вашлийме огыл. Мо дене тудо ойыртемалтеш? Тушто  мом ыштышашым, вашталташ кӱлмым  веле огыл почын ончыктымо, тыгак тидым окса дене пеҥгыдемдыме. У озанлык механизмыш куснымо годым мыланна ик ырымат ойырен огытыл. Тӱшка диспансеризацийым увертарымекат, лач тидлан кӧрак тудо шукталтын ыш керт.   А теве здравоохраненийым уэмдыме программылан Марий Эллан чылаже 1,9 миллиард наре теҥге ойыралтын. Утларак ужашыжым тений кучылтшаш улына. Тиде федеральный окса, тыгак республиканский бюджет да обязательный страховой медицина гычат ешартыш лиеш.

Ты программыште Россий правительство, здравоохранений ден социальный вияҥмаш министерство мом мемнан деч вучат, могай направлений дене ме пашам ыштышаш улына - тичмашын рашемдыме. Эн тӱҥжӧ - тиде мероприятий дене келшышын, кажне регион мом эн  кӱлешанлан шотла (приоритетым), шке ойырен налын кертеш.

Здравоохраненийым уэмдыме программа кӧлан утларак кугу пайдам конда? Кок  кугу тӱшкалан – пациент ден медицина пашаеҥ-влаклан.  Мемнан ончылно тӱҥ задача шога: ик могырым - эмлыме качествым саемдаш да чылалан сайын эмлалташ йӧным ышташ. Вес могырым – медицина пашаеҥ-влакын пашадарыштым кугемдаш.

Роскот статьям ончалаш гын, ме тӱҥ шотышто кум направлений дене пашам ыштышаш улына – медучреждений-влакын материально-технический базыштым саемдымаш, информационный системым шыҥдарымаш, медицина стандартым илышыш пуртымаш.

Редакций деч: материалым мучаш марте луднеда гын, 2011 ий 28 январьысе "Марий Эл" газет номерым але газетын PDF электронный версийыжым лудса.

Электронный подписке нерген ешартыш информацийым http://www.mariel.org.ru/podpiska/4145-jelektronnyjj-podpiska.html интернет лаштыкыште муаш лиеш.

Л.Иванова.

Д.Речкинын фотожо.